الزمن الجميل

غالبا ما تترد هذه الجمله على السنه كبار السن الذين عاشوا فى زمن لم يسعفهم الوقت المتسارع جدا من اللحاق بركب التقدم والسرعه الهائله فى تجدد المعرفه
الغريب انهم يقولون دائما(زمن جميل)؟؟؟؟؟؟؟؟؟؟؟؟؟؟؟؟؟؟
طيب تعالوا نوصف هذا الزمن من وجهه نظر جديده شويه
زمان كانت مصر عندها سيينما بجد رائعه (على حد قولهم) مفيهاش عرىولا اباحيه كانوا زى الملايكه يعنى(على حد قولهم)
طيب احنا كبرنا وشفنا افلامهم اد ايه مليئه بمشاهد عرى اشد من اللتى نراها الان ونراهم يزالون يتجادلون فى هذا الامر مصرين على انهم كانوا موظفين المشاهد صح وكمان العرى والرقص كان فى شكل اكليلى مثل الورود( على حد قولهم باردو) .. ......................
والنبى حد يشد فى شعره بالنيابه عنى.
لو جئنا للعصر العلمى وثقافه ادبيه منقطعه النظير ؛ جميل كلام جميل ما حدش يقدر يقول حاجه عنه، بس فين هذا الانتاج الغزير وعمل ايه فى حال المصريين واثر بشده وقوة على تقدم مصر وجعلها دوله رائده مثلا فى اى شىء وليكن حتى صناعه تكتك حنكش مثلا؟
بسم الله الرحمن الرحيم الاجابه (تونس).
مصر بنظام تعليمى مميز للغايه بيحصل طلابه على مجموع خارق للغايه ويدخلوا كليه كبيره باردو للغايه عشان ايه؟
يقعدوا على القهوة ويقولوا نكت حلوة عل نفسهم ويضحكوا لايه؟............للغايه
مصر تمتلك عقول ممتازة لكن مش ليها لامؤاخذه ، امال لمين بئه؟
لدول صديقه محتاجه عقول جميله عانت من نظام ختم شعار الجمهوريه وامضاء سيد بيه مش موجود ومدام عديله بتولد فتعالى بكرة وان شاء الله مصلحتك مقضيه يا باشا......................................
مين يا جماعه اللى علم هذا الجيل ومين اخرجه لينا وخلانا نعيش ونشوف هؤلاء وتلك وهذه وكل اسماء الاشارة اللى بجد بتنقطنا لما يتنهدوا ويقولوا ( الزمن الجميل )
بيفكرونى بقول الشاعر ( الحزب الوطنى ف مصلحتك والمستقبل ليك.......كل شباب مصر هيتظبط بكرة تشوف بعينيك)

الاقصى وام الرشراش

اسم غريب بس لازم تعرف انه لبلد مصريه اصبحت الان تعرف بمدينه (ايلات).
تخيل يا مصرى ياللى كتبت بدمك على رمل سينا وكل شبر بارض مصر ان لسه فى جزء من ارضك مغتصب،والجزء الكل مش عارف ليه عليه ساكت مع ان المدينه دى الان ميناء اسرائيل الاهم على البحر الاحمروالمنفذ البحرى المطل على خليج العقبه واللى بيه اسرائيل بتهدد كل العرب وبتوقللهم ان لها سياده على البحر الاحمر.
الكلام ده مش جديد بس لانه قديم هقوله:
ام الرشراش قريه مصريه تقع فى الطرف الشمالى الغربى لخليج العقبه ، مساحتها 1500كم2 ،صدر مرسوم عثمانى عام 1906 باعتبار ام الرشراش قريه مصريه على الحدود السياسيه بين مصر وفلسطين .
تحرك اليهود عام 1949 تحديا فى شهر مارس مستغلين الهدنه المشئومه تجاه قريه ام الرشراش واللى كان فيه شرطه مصريه واستراحه للملك فاروق فى هذا الوقت وكان قائد هذه الفرقه اسحاق رابين رئيس وزراء الصهاينه الاسبق واستطاعوا احتلالها وقتل 350 شهيد من افراد الشرطه وغيرهم من المصريين هناك وفرضوا سيطرتهم عليها منذ هذا التاريخ وذلك بتواطؤ امريكى كالعاده .
ام الرشراش طول عمرها مصريه من ايام الطولونيين وعشانها حارب صلاح الدين وحررها وجاء من بعده الظاهر بيبرس عام 1267 ( لاحظ 67) واستعادها مرة اخرى من ايدى الصليبيين، وقت ما كان للرجال صوت غير الندب والاستنكار مش شحاتين للسلام ولرضا العم السام.
ام الرشراش مصريه 100% والرئيس محمد حسنى مبارك صرح لمجله العربى عام 1996ان ام الرشراش مصريه، لكن اسرائيل سمتها ايلات وبئت تحت علمهم سيادتهم .........
ياترى الناس اللى فرطوا ممكن يكونا هما نفسهم اللى يقدروا يحرروا الاقصى ؟؟؟؟؟؟؟؟؟؟؟؟؟؟

صاحبنا الغلبان

هتعيش بجد اول ما تقرب تموت

الاعمار بيد الله هذا شىء كلنا يؤمن به لكن حكومتنا الموقره هى الوحيده اللى عارفه غير كده ازااااااااااااااااى؟؟؟؟؟؟؟؟؟؟؟؟؟
مرتب الموظف فى بدايه حياته وسن الامل بيكون تقريبا على اد حياته لوحده بعدين يبدا يشتغل اكثر من عمل عشان يجمع فلوس يتجوز بيها بعدين الفلوس مش مكفيه يستلف عشان يتلم فى بيت مع زوجه ويكون ليه اسره وكده يعنى يعمل ده لو محظوظ على سن 29 او 30 ده عشان يسكن فى شقه ايجارها 200 جنيه وده طبعا حلم صدقنى ممكن يتحقق .
بعد كده يسدد ف ديونه ويبحث لمراته عن شغل وصعب يلاقى بعد كده يبدا يرجع يشتغل من تانى اكرت من شغله لان الديون بتزيد مش بتتسدد يعمل ايه الغلبان يرهق نفسه فى العمل وبالتالى يقصر فى حياته الزوجيه وبالتالى تزيد مشاكل البيت بعد كده يحصل المرض يبص يلائى العيال والعيال اهم يصرف على عياله وينسى نفسه ..مرة واحده يلائى نفسه ف المستشفى يفوق ف العنايه المركزة انا فين اهلا بيك يا فندم فيروس سى بيسلم على سيادتك وبيقولكك كده تنسانى يا ندل؟؟؟؟؟؟؟؟؟؟؟؟؟؟؟؟؟؟؟؟؟؟؟.
صاحبنا يبص لمرتبه اللى بيزيد ويقول سبحان الله بتزيد عشان الدواء ولا عشان العيال ولا عشان تعوضنى عن صحتى اللى راحت؟؟؟؟؟؟؟؟؟؟؟؟؟؟؟
كنتى فين يافلوس لما كنت شباب ونفسى اتهنى بحياتى ويبص للسماء ويقول الحمد لله اكيد فى الاخره ربنا هيكافئنى على صبرى ويعاقب حكومتى على انها كفرت بايه من اياته وهيا ان الاعمار بيد الله والشباب زهرة الحياه اللى لازم ترتوى كويس عشان مش تتدبل بسرعه وتقعد امام الفضائيات تشتم وتتعصب وتحس بالم ومرارة وف النهايه تموت ومحدش يسئل عليها من ولاه الامور اللى بالفعل قتلوها وهيا شباب ونسيوها لما كبرت وعجزت ومش كده وبس لسه بيطحنوا فى غيرها .

الاعمار بيد الله يا حكومه